Son vaxtlarda təmir-tikinti bazarında müxtəlif ölkə istehsalı olan keramoqranitlərə rast gəlirik. Türkiyə, İspaniya, Rusiya və Hindistan istehsalı olan müxtəlif çeşiddə keramoqranitlər müştərilərə fərqli qiymətə təklif olunur.
Belə olan halda isə maraqlı bir sual ortaya çıxır. Hazırda ölkə ərazisində daha çox hansı keramoqranitlərə üstünlük verilir? Hindistan istehsalı olan keramoqranitlər daha münasib qiymətə təklif edildiyindən bazarda artıq öz sözünü deməyi bacarıb.
Orta büdcəli bir ailə üçün ev təmir etdirən zaman Hindistan istehsalı olan məhsullar daha münasib qiymətə təklif edildiyindən cəlbedici görsənir.
Bundan əlavə, rəng və çeşid imkanı bol olduğundan seçim etmək də asan olur. Həmin keramoqranitlərin kənarları düz olduğundan ustalar da razı qalır.
Üstəlik, həm təklif edilən qiymətlə keyfiyyəti müqayisə etdikdə, həm də müştərilər tərəfindən gələn sorğular bunu deməyə əsas verir ki, Hindistan istehsalı olan keramoqranitlər bir çoxları üçün ideal seçimə çevrilib.
